Ebuhan Maghersare E Songenep Ngereng UNBK Paket C
News settong, Songenep, Sennen 15 april 2019- Ebuhan maghersare e kebhupaten Songenep, madhura, jhabah dhimor (Jatim) ngereng ojhian Nasional Berbasis Komputer (UNBK) Paket C setara sakolah Manengah attas (SMA) e laksanaagi neng 43 Lembaga Penyelenggara Pusat Kegiatan Belajar Masyarakat (PKBM), Sennen (15/4/2019).
E dhelem palaksanaan UNBK Paket C paneka, nampak kengeng paatehan serius dari bhupate Songenep, Dr. KH. Abuya Busyro Karim, M.Si. bhukte epon, oreng nomor settung e kebhupaten Songenep ka’ento, ngoladhi langsung da’ PKBM Kecamatan Ganding sareng Lenteng.
Palaksanaan UNBK paket C ajelen lancar ben bhagus, taon samangken se alaksanaagi UNBK bedhe neng dheredhen sarang e Poloh Songenep. Manabi, angkah peserta se hadir kahadiran cokop tegghih atekkah 98 persen? teghes bhupate Songenep, Sennen (15/4/2019)
Bhupate ngarep, paserta UNBK Paket C mamanpaataghi pendidikan kalaban ghu-ongghu. Menangka pendidikan e ojung dhimor poloh Madhura paneka bhadhih majhu.
“Maghersare se lulus program paket C kodhu aghadhui kareb pendidikan se langkong tegghih,” tor-ator Bhupate.
Plt. Kopala Dinas Pendidikan kebhupaten Songenep, mohammad Saidi ngatoragi, PKBM se alaksanaaghi UNBK Paket C neng dheredhen sareng e Poloh ngaghunaaghi komputer. Namong, neng e poloh bedhe kendala jharingan internet, sa engghe ngagungaghi ojhian offline.
“Alhamdulillah, are samangken lancar,” cator Kopala Disdik Songenep.
Taon 2019 samangken, badah 43 PKBM ben se ngereng UNBK Paket C bedhe 12261.226 maghersare. (Ifa/Adv)
Comment